पुणे, ८ ऑगस्ट २०२६: प्रगत श्वसनविकार आणि फुफ्फुसांच्याव दीर्घकालीन आजारांनी त्रस्त रुग्णांना विशेष आणि सर्वसमावेशक उपचार उपलब्ध करून देण्यासाठी मेडीकव्हर हॉस्पिटल्स, भोसरी, पुणे येथे विशेष ‘लंग फेल्युअर क्लिनिक’ सुरू करण्यात आले आहे. या क्लिनिकच्या माध्यमातून प्रगत श्वसनविकार असलेल्या रुग्णांसाठी बहुवैद्यकीय तज्ज्ञांच्या समन्वयातून निदान, उपचार, पुनर्वसन आणि दीर्घकालीन व्यवस्थापनाची सुविधा उपलब्ध होणार आहे.
या विशेष क्लिनिकमध्ये क्रॉनिक रेस्पिरेटरी फेल्युअर, क्रॉनिक ऑब्स्ट्रक्टिव्ह पल्मनरी डिसीज (COPD), गंभीर अस्थमा, इंटरस्टिशियल लंग डिसीज, पल्मनरी फायब्रोसिस तसेच कोविडनंतरच्या श्वसनविषयक गुंतागुंतींवर विशेष उपचार केले जाणार आहेत.
श्वसनविकारांचा रुग्णांच्या दैनंदिन जीवनावर आणि जीवनमानावर मोठा परिणाम होऊ शकतो. या पार्श्वभूमीवर लंग फेल्युअर क्लिनिकमध्ये रुग्णांच्या स्थितीनुसार उपचार, नियमित निरीक्षण, ऑक्सिजन थेरपी, पल्मनरी रिहॅबिलिटेशन आणि तज्ज्ञांचा सल्ला उपलब्ध करून देण्यात येणार आहे.
विशेष आणि बहुवैद्यकीय श्वसन उपचार सुविधा
लंग फेल्युअर क्लिनिकमध्ये पुढील विशेष सेवा उपलब्ध असतील:
* क्रॉनिक रेस्पिरेटरी फेल्युअर मॅनेजमेंट
* COPD आणि गंभीर अस्थमासाठी उपचार
* इंटरस्टिशियल लंग डिसीजचे व्यवस्थापन
* पल्मनरी फायब्रोसिस मॅनेजमेंट
* कोविडनंतरच्या श्वसनविकारांचे व्यवस्थापन
* ऑक्सिजन थेरपी
* पल्मनरी रिहॅबिलिटेशन
* बहुवैद्यकीय तज्ज्ञांचा सल्ला
रुग्णाच्या आजाराची तीव्रता आणि प्रगती लक्षात घेऊन विविध तज्ज्ञांच्या समन्वयातून उपचार करण्यात येतील. ऑक्सिजन थेरपी आणि पल्मनरी रिहॅबिलिटेशनच्या माध्यमातून पात्र रुग्णांची शारीरिक क्षमता, दैनंदिन कार्यक्षमता आणि जीवनमान सुधारण्यावर भर दिला जाणार आहे.
डॉ. व्यास मौर्य, सेंटर हेड, मेडीकव्हर हॉस्पिटल्स, भोसरी, पुणे, म्हणाले, “प्रगत आणि दीर्घकालीन फुफ्फुसांच्या आजारांनी ग्रस्त रुग्णांसाठी विशेष श्वसन उपचार व्यवस्था मजबूत करण्याच्या दिशेने लंग फेल्युअर क्लिनिकची सुरुवात हे महत्त्वाचे पाऊल आहे. फुफ्फुसांच्या कार्यक्षमतेत गंभीर घट झालेल्या रुग्णांना अनेकदा सातत्यपूर्ण निरीक्षण, वेळेवर उपचार आणि विविध वैद्यकीय तज्ज्ञांच्या समन्वयाची आवश्यकता असते. या क्लिनिकच्या माध्यमातून प्रगत वैद्यकीय उपचार, ऑक्सिजन थेरपी, पल्मनरी रिहॅबिलिटेशन आणि तज्ज्ञांचा सल्ला एकाच छताखाली उपलब्ध करून देण्याचा आमचा प्रयत्न आहे. केवळ आजाराचे व्यवस्थापन करणे हा आमचा उद्देश नसून रुग्णांची कार्यक्षमता आणि जीवनमान सुधारण्यावरही आमचा भर आहे. सतत धाप लागणे किंवा श्वसनाशी संबंधित लक्षणे वाढत असल्यास रुग्णांनी उपचार लांबणीवर न टाकता वेळेत वैद्यकीय तपासणी करून घेणे आवश्यक आहे.”
या क्लिनिकच्या माध्यमातून श्वसनविकारांचे लवकर निदान, नियमित वैद्यकीय निरीक्षण आणि वेळेवर उपचार याबाबत जनजागृती करण्यावरही भर दिला जाणार आहे. सतत धाप लागणे, दीर्घकाळ खोकला, शारीरिक हालचालींमध्ये दम लागणे, वारंवार होणारे श्वसनविकार किंवा ऑक्सिजनच्या सतत गरजेची लक्षणे असलेल्या रुग्णांनी तज्ज्ञांकडून श्वसनविषयक तपासणी करून घेणे आवश्यक आहे.
मेडीकव्हर हॉस्पिटल्स, भोसरीच्या या उपक्रमामुळे प्रगत आणि गुंतागुंतीच्या फुफ्फुसांच्या आजारांनी ग्रस्त रुग्णांना विशेषज्ञांच्या मार्गदर्शनाखाली सर्वसमावेशक श्वसन उपचार सुविधा उपलब्ध होणार असून, पुणे आणि परिसरातील रुग्णांसाठी प्रगत श्वसन आरोग्यसेवा अधिक सक्षम करण्याच्या दिशेने हे महत्त्वाचे पाऊल ठरणार आहे.
मेडीकव्हर हॉस्पिटल्स, भोसरी, पुणेविषयी
मेडीकव्हर हॉस्पिटल्स, भोसरी, पुणे येथे अनुभवी वैद्यकीय तज्ज्ञ, आधुनिक वैद्यकीय सुविधा आणि बहुवैद्यकीय उपचारपद्धतीच्या माध्यमातून रुग्णांना सर्वसमावेशक आरोग्यसेवा देण्यावर भर दिला जातो. રुग्णांच्या बदलत्या आरोग्यविषयक गरजा लक्षात घेऊन हॉस्पिटलकडून विविध विशेष उपचार सुविधा सातत्याने विकसित केल्या जात आहेत.
“चला, प्रत्येक श्वासाला अर्थपूर्ण बनवूया.”