गुणवरे (प्रतिनिधी):
क्रांतीसूर्य महात्मा जोतिबा फुले आणि महामानव डॉ. बाबासाहेब आंबेडकर यांच्या जयंतीचे औचित्य साधून, गुणवरे येथे ‘मोफत नेत्र तपासणी व शस्त्रक्रिया शिबिराचे’ भव्य आयोजन करण्यात आले आहे. सामाजिक बांधिलकी जपत आयोजित केलेले हे शिबीर मंगळवार, १४ एप्रिल २०२६ रोजी सकाळी ९ ते दुपारी २ या वेळेत पार पडणार आहे.
शिबिराची प्रमुख वैशिष्ट्ये:
या शिबिरामध्ये रुग्णांना अत्युच्च दर्जाच्या आरोग्य सुविधा मोफत पुरवल्या जाणार आहेत. यामध्ये प्रामुख्याने:
- मोफत मोतीबिंदू तपासणी व शस्त्रक्रिया.
- बिनटाक्याची शस्त्रक्रिया (मोफत लेन्ससह).
- तपासणीनंतर चष्म्याचा नंबर काढून अल्प दरात चष्मे उपलब्ध करून दिले जातील.
- शस्त्रक्रिया होणाऱ्या रुग्णांसाठी मोफत प्रवास, निवास आणि भोजनाची उत्तम सोय करण्यात आली आहे. (शस्त्रक्रिया एच.व्ही. देसाई नेत्र रुग्णालय हडपसर,पुणे येथे होतील)
मार्गदर्शन व सहकार्य:
हे शिबीर एच.व्ही. देसाई नेत्र रुग्णालय (हडपसर), साक्षी ऑप्टिकल्स, फलटण आणि डॉ. सोनाली बुद्धभूषण आढाव यांच्या विशेष सहकार्यातून व मार्गदर्शनाखाली संपन्न होत आहे.
कार्यक्रमाचा तपशील: - दिनांक: मंगळवार, १४ एप्रिल २०२६
- वेळ: सकाळी ०९:०० ते दुपारी ०२:०० वाजेपर्यंत.
- स्थळ: भैरवनाथ वि.वि. कार्यकारी सह. सेवा संस्था, गुणवरे.
आयोजक:
या उपक्रमाचे आयोजन बुद्धभूषण अरविंद आढाव, तथागत चॅरिटेबल ट्रस्ट (गुणवरे) आणि समस्त ग्रामस्थ गुणवरे यांच्या वतीने करण्यात आले आहे.
“गुणवरे व पंचक्रोशी तील गरजू घटकांना दृष्टी मिळावी या उदात्त हेतूने हे शिबीर आयोजित केले आहे. जास्तीत जास्त नागरिकांनी या सुवर्णसंधीचा लाभ घ्यावा, असे आवाहन आयोजकांच्या वतीने करण्यात आले आहे.