पुणे : भारतीय स्मार्टफोन बाजारपेठेत तरुण ग्राहकवर्गाला लक्षात घेऊन Realme कंपनीने ‘रियलमी १६ फाइव्ह जी’ हा नवा स्मार्टफोन पुण्यात सादर केला. जंगली महाराज रोडवरील एसएस कम्युनिकेशन स्टोअर येथे या स्मार्टफोनचे अनावरण करण्यात आले.
या स्मार्टफोनची आकर्षक ‘एअर डिझाइन’, दमदार बॅटरी क्षमता आणि कृत्रिम बुद्धिमत्ता (AI) आधारित कॅमेरा प्रणाली ही त्याची प्रमुख वैशिष्ट्ये आहेत. मध्यम किंमत श्रेणीत प्रीमियम फीचर्स देत हा स्मार्टफोन ग्राहकांचे लक्ष वेधून घेत आहे.
‘रियलमी १६ फाइव्ह जी’ मध्ये दुहेरी ५० मेगापिक्सेल पोर्ट्रेट कॅमेरा प्रणाली देण्यात आली असून त्यात समोरील व मागील कॅमेऱ्यांचा समावेश आहे. नैसर्गिक त्वचा रंग, अचूक तपशील आणि विविध प्रकाश परिस्थितींमध्ये संतुलित फोटो काढण्याची क्षमता यामुळे फोटोग्राफीचा अनुभव अधिक दर्जेदार होतो.
याशिवाय ‘रिअर सेल्फी मिरर’ ही अनोखी सुविधा देण्यात आली आहे, ज्यामुळे वापरकर्ते मुख्य कॅमेऱ्याद्वारे सेल्फी घेताना प्रतिमा थेट पाहू शकतात. ‘जेश्चर ओळख’ आणि ‘व्हॉइस काउंटडाऊन’ यांसारख्या स्मार्ट फीचर्समुळे वापर अधिक सोपा व आधुनिक बनतो.
किंमतीबाबत, या स्मार्टफोनच्या ८ जीबी + १२८ जीबी व्हेरिएंटची किंमत ३१,९९९ रुपये, ८ जीबी + २५६ जीबी व्हेरिएंटची किंमत ३३,९९९ रुपये, तर १२ जीबी + २५६ जीबी व्हेरिएंटची किंमत ३६,९९९ रुपये इतकी निश्चित करण्यात आली आहे.
मध्यम किंमत गटात उत्कृष्ट डिझाइन, शक्तिशाली कॅमेरा आणि आधुनिक तंत्रज्ञानाचा संगम साधत ‘रियलमी १६ फाइव्ह जी’ हा स्मार्टफोन ग्राहकांसाठी आकर्षक पर्याय ठरणार आहे.